സേതു പണ്ടേ ഒരു ഏകാകിയാണ്.
സ്കൂളില് സേതുവിന്റെ ചെല്ലപ്പേര് "മൂങ്ങ" എന്നാവാന് കാരണം, അധികം മിണ്ടാതെയും എല്ലാവരില് നിന്നും ഒഴിഞ്ഞു മാറുന്ന സ്വഭാവവും കൊണ്ടായിരുന്നു.
സ്കൂളിലെ സേതുവിന്റെ ഏറ്റവും ഇഷ്ടപ്പെട്ട സ്ഥലം കളിക്കളത്തിന്റെ അരികിലുള്ള പടര്പ്പന് മാവായിരുന്നു.
മറ്റുള്ളവര് കളിച്ചു തിമിര്ക്കുമ്പോള് സേതു മാവിന് ചില്ലയിലിരുന്ന് സ്വപ്നം കണ്ടു, താഴെ നടക്കുന്ന കോലാഹലങ്ങള് കണ്ടു, ആകാശത്തില് പറക്കുന്ന പക്ഷികളെയും മേഘത്തുണ്ടുകളെയും കണ്ടു.
ഒടുവില് ഒരു നിയോഗം പോലെ സേതു ദുബായിലെത്തി.
ലോകത്തിലിന്നേവരെ ആരും അറിയാത്തൊരു സംതൃപ്തിയോടെ സേതു ജോലിയിലലിഞ്ഞു ചേര്ന്നു.
സേതു ഇപ്പോള് ഒരു ടവര് ക്രെയിന് ഓപറേറ്ററാണ്.