കുറേ വർഷങ്ങൾക്ക് മുൻപ്, മിസ്സ് യൂണിവേഴ്സ് മത്സര വേദിയിൽ,
അവിശ്വസനീയതയോടെ മുഖം പൊത്തി നിന്ന സുസ്മിത സെന്നിനെയും,
ഇത്തിരി ദിവസങ്ങൾ കഴിഞ്ഞ് അതേ പോലെ ഐശ്വര്യ റായിയെയും കണ്ട ഇന്ത്യാക്കാരന്റെ മുന്നിൽ പിന്നീടൊരിക്കലും ലോക സുന്ദരി മത്സരങ്ങൾ അത്ര ആവേശകരങ്ങളായി മാറിയിട്ടില്ല.
കാരണം പിന്നീട് പല ഇന്ത്യൻ സുന്ദരികളും, പല വട്ടം ആ വേദികളിൽ തിളങ്ങി,
വിജയം ഒരു ശീലമാക്കി മാറ്റി.
ഇപ്പോഴിതാ, പതിനേഴ് വർഷങ്ങൾക്ക് ശേഷം,
ഇന്ത്യൻ മനസ്സുകൾക്ക് (പ്രത്യേകിച്ച് മലയാളിക്ക്)
അവിശ്വസനീയതയുടെ ഒരു പുലരി കൂടി.
കൊഡാക്ക് തിയേറ്ററിൽ രണ്ട് മലയാളികൾ ഓസ്കാർ അങ്കിളിന്റെ മൊട്ടത്തലയിൽ ഉമ്മ വയ്ക്കുന്ന കാഴ്ച, അഭിമാനഭരിതമായ നിറകണ്ണുകളോടെ ഭാരത ജനത കണ്ടിരുന്നു.
ഇതുമൊരു തുടക്കം മാത്രമാകട്ടെ എന്നു നമുക്കാശിക്കാം.
പ്രതിഭകൾക്ക് ദാരിദ്ര്യമുണ്ടായിട്ടില്ലാത്ത നമ്മുടെ നാട്ടിലേക്ക്,
ഇനിയും ഓസ്കാറുകൾ പെയ്തിറങ്ങുന്ന ഒരു പാട് വർഷങ്ങളുണ്ടാകട്ടെ എന്നു ആസംസിക്കാം.
ഒപ്പം, ഈ സംരംഭത്തിൽ ഇന്ത്യൻ പ്രതിഭകളെ കൂടെ കൂട്ടിയ ഡാനി ബോയലിനും നന്ദിയും ആശംസകളും, അനുമോദനങ്ങളും.
Subscribe to:
Post Comments (Atom)
No comments:
Post a Comment